HANTONIA / SIVE / SOUTHANTONIENSIS / COMITATUS / Vulgo / HANTSHIRE

Cliton a Saxon / Earle of Wincester Lodowick Bruget Earle / of Winchester William paulet / Marques of Wincester [ ] / warrior against ye Normans William Fitz William created / Earl of Southampton by Kinge / Henry 8. Tho Wriotheosley created / Earle of Southampton by Kinge / Edward 6. Anno 1.

Septentrio

Oriens

Meridies

Occidens

Mill. Angl. quoru~ 4 uni Germanico aequip.

1 to 170000 ?

3 miles to 1 inch

wxh, plate: 516x420mm

1 to 220000

3.5 miles to 1 inch

Old English Mile = 1.26 statute mile

bottom left SY914872

top left SU041797

top right TQ151644

bottom right TV024720

The Mackett

OCEANUS / BRITANNICUS

Hengistbury head

Rameshead

Titchfield Bay

Hamble Haven

Black cliffe

Hurst Castle

Calshot Castle

S. Andrews Castle

South Castle

Worth cast

Tost flu.

PORTESDOWN

Dunbury hill

Selborne Beacon

Patow Beacons

Chure Forest

Beare Forest

NEW FOREST / YTENE

Preupark

Parke

SURRIA Vulgo SURREY

DORCESTRIA Vulgo DORSETSHIRE

CRUNDALL HUND.

PART of EVINGER HUND

WINCHESTER

Alresford

Portsey

Bradley

Without

Basing

THE SEGONTIANS

THE REGNI

CLAUSENTUM

Bascomb Copperashouse

HANTSHIRE.

LA Comte de Wilton a pour voisine celle que les Saxon appelloyent autresfois Hanteschyr, a present vulgairement Hanshire, la partie mediterranee de laquelle a sans doubte appartenu a nos Flamans, la maritime aux Regnes, ancien peuple de Britannie. De l'Occident elle attouche Dorsett & Wilton, du Midy l'Ocean, de l'Oriens Sussex & Surry, & du Septentrion Bercher. C'est une petite Province fertile en productions de la terre, agreable en quelques endroits pour l'espassieur des forests, riche en delicieux pasturages, & heureuse pour les commodites maritimes, par ce qu'entrecoupe de reflux frequents elle est extrement propre au commerce. On croit qu'elle fut des premieres reduicte soubs la puissance des Romains, car nos histoire racontent que Vespasien la subjugua, & il y a des raisons assez probables pour le croire. Car Dion tesmoigne que Plautius & Vespasien, attaquans la Britannie soubs l'empire de Claude, partagerent leurs troupes en trois, de peur que tous leurs vaisseaux abordants en un mesme lieu ne fussent empeschez d'approcher du rivage. Et Suetone nous apprend que Vespasien combattit trois fois avec l'ennemy en ceste expedition, & qu'il mit soubs de joug, l'Isle Vliaras, qui est vis a vis de cette terroir, & deux puissantes nations. Pour lesquelles victoires, & ses voyages de l'Ocean, Valerius Flaccus le publie plus heureux que Caesar, & luy parle en ce termes.

O tu pelage cui major aperti Fama, Caledonius postquam tua carbasa vexit Oceanus, Phrygios prius indignatus Iulos.

C'est a dire:

O tou qui t'es fait renommer Par toute la terre habitable Pour avoir mesure la mer Aux autres guerriers redoubtable, Alors que tes puissants vaisseaux Se sont fait voye sur les eaux De l'Ocean Caledonique, Qui n'avoit voulu devant toy Ouvrir un chemin pacifique A Caesar qu'il remplit d'effroy.

Et Appollonius Collatius Navariensis a chante de luy

Ille quidem nuper faelici Marte Britannos Fuderat.

C'est a dire:

Il avoit depuis peu par de combats heureux Surmonte des Anglois les efforts genereux.

Dion & Forcatule vous diront comme en ceste guerre, Tite delivra son pere Vespasien du milieu des Britanniens, qui le tenoyent estroitment assiege, comme un serpent l'embrassa alors son luy faire mal, ce qu'il prit pour un presage qu'il seroit Empereur. De moy je poursuivray mon entreprise, & ayant commence par les limites d'Occident de ceste province, je parcourray premierement la contree maritime, & les fleuves qui s'y respandent, puis ses parties interieures.

Proche les frontieres Occidentalles Auen coulle mollement dans son canal, & aussi tost qu'il commence a mouiller ce champ, il rencontre le gue de Cerdic, jadis Cerdicks-ford, puis apres Cerdeford, maintenant Chardford, ainsi nomme de Cerdic Saxon, vaillant guerrier. Car ce Cerdic combattant en ce lieu contree les Britanniens les affoiblit si fort, que non seulement il estendit les limites de sa domination, mais aussi laissa a ses successeurs une guerre facile a achever. Ayant desja auparavant surmonte en ces mesmes quartiers par des grands efforts d'armes Natanleod puissant Roy des Britanniens, appelle de quelques autres Nazaleod, du nom duquel il y a en une petite region aboustissante a ce lieu, appellee Natanleod, ainsi que nous lisons es Annales des Anglois-Saxons, laquelle j'ay recerchee curieusement, mais je n'ay descouvert jusques a present, mesme le moindre vestige de ce nom, & ne puis deviner quel a este ce Natanleod. Il est bien vray qu'en ce mesme temps Aurele Ambroise combattit avec divers succez contre les Britanniens en ceste contree; duquel les Annales des Anglois-Saxons ne font (sic) point mention, & j'ay remarque que ceste nation trop passionee pour son honneur, ne publie que les battailles qui luy ont este avantageuses, & voile du silence, celles qui ne luy ont pas este favorables. De la ce fleuve coulle par Regnevood, ou Ringuvood, dans le registre d'Angleterre Rincewed, en latin Regnum, lequel nous croyons estre le bourg des Regnes dont Antonin fait mention, persuadez par la description du chemin qui s'y accorde, par les reliques de son nom, & par la signification. Car Ringuood par une addition Saxone, semble signifier la forest des Regnes. La Centurie qui luy est voisine, nous fait juger qu'autresfois il estoit bien renomme, parce qu'elle en porte le nom maintenant. Il n'est celebre que pour son marche assez frequente, Auen sortant d'icy donne place dans son lict a Stour fleuve qui descend des Durotriges, & a l'endroit ou il unissent leur course, est un petit marche bien hante, appelle aujourd'huy d'une Eglise dediee a Christ, Christ-church, & jadis, a cause qu'il est situe entre deux fleuves, Zwinamburne, au mesme sens que les Interamna d'Italie. Autresfois il estoit fortifie d'un chasteau, & orne d'une ancienne Eglise de Prebendiers, bastie au siecle des Saxons, par Radulphe Flammard Evesque de Dunelme (qui y avoit este Doien,) restauree soubs le regne de Guillaume le Roux, enrichie de grands revenus par Richard de Ripariis, Comte de Devone, auquel le Roy Henri Premier avoit donne ce lieu a fief, & qui fut en grande estime jusques au temps du Roy Henri VIII, & des ceste dernier heure, de tous les Monasteres de ce Royaume. Au dessoubs de ce marche Stour & Auen se jettent dans la mer par une mesme embouchure, Ptolemee l'appelle embouchure du fleuve Alaun & avec raison. Car je ne puis m'obliger a croire qu'Auen ait este le propre nom de ce fleuve, veu que c'est un nom commun, & qu'en la langue Britannique tous les fleuves sont designez par ceste diction. Et j'estimerois qu'anciennement il estoit dict Alaun parce qu'es vilage prochains, on foit les reliques de ce nom, comme en Allinton, Allingham &c.

Au rivage Oriental de ce fleuve Guillaume le Normand ayant fait abbattre au long & au large les bourgs, les vilages, les Eglises, & chasse les miserables habitans, couvertit l'espace de trent mils plus ou mois en repaire de bestes sauvages, & forests que nous appellons Newforest, les Anglois en ce siecle-la le nommoyent Ytene. Guautier Mapee, non esloigne de cet aage-la, a dit de luy. 'Le Conquerant a oste a Dieu & aux hommes, leur terre, pour la donner aux bestes & aux es bats des chiens; il en a extirpe trente six Eglises matrices, & en a extermine le peuple.' Il fit cecy ou pour rendre la acces de Normandie en Angleterre plus asseure (car elle est vis a vis Normandie) si, ayant presque acheve la guerre, la tempeste de menacoit derechef; ou pour le plaisir de la chasse, ou a dessein de tirer de l'argent de tous costes. Car, plus humain aux bestes qu'aux hommes, il ordonna une grosse amende pecuniaire, & d'autres supplices tres griefs, a quiconque chasseroit en ces lieux. Mais la vengeance divine ne manqua point de punir ceste action. Car Richard son second fils, & Guillaume le Roux Roy d'Angleterre, un sien autre fils, perirent en ceste forest; celuy-cy transperce fortuitement d'une flesche, par Gautier Tirell, celuy-la empoisonne d'un air pestilentieux. Henri petit fils de Robert son aisne, poursuyvant obstinement une beste en ces bois, mourut, pendu aux branches des arbres, & ces issues tragiques nous apprennent que les enfans sont souvent chastiez pour les pechez de leurs parents: On cite communement des vers de I. Withe Evesque de Winthon, sur ce suject, lesquels, encor qu'ils attribuent faussement ce fait de Guillaume le Roux, toutesfois puis qu'ils agreent a plusieurs, je les allegueray icy;

Templa adimit divis, fora civibus, arva colonis

Rufus, & instituit Beaulensi iin rure forestam;

Rex cervum insequitur, Regem vindicta, Tirellus

Non bene provisum transfixit acumine ferri.

C'est a dire:

Le Roux a pris aux saincts eglises anciennes,

Les villes aux bourgeois, l'avarice a fait siennes

Les terres de Beaulieu, qu'il convertit en bois.

Mais poursuivant en cerf la divine vengeance

Poursuit ce criminel, & par inadvertance

Tirell, d'un dard le perce, & le met aux abois.

Il appelle ce champ Beaulense, parce que le Roy edifia tout proche un petit Monastere dict Beaulieu a cause de sa belle situation, lequel a este celebre jusques a la memoire de nos peres. C'estoit un Asyle inviolable, & une retraicte asseuree pour les refugiez, d'ou il n'estoit par licite de retirer les homicides les plus mechans, ou les criminels de leze Majeste, & les nostres tenoyent que le faire, ce estoit pecher. Desorte que nos ancestres establissant ces Asyles, ou temples de misericorde en divers endroits d'Angleterre, semblent s'estre proposez Romule pour exemple, plutost que Moise, qui avoit ordonne qu'on arrachast de l'autel & qu'on fist mourir celuy qui auroit commis un homicide a dessein, & n'avoit accorde ceste franchise qu'a ceux qui avoyent tue sans dessein.

Mais afin qu'un si grand espace de terre ne demeurast depourveu de deffence, & expose aux ennemis, Henri VIII commenca a le fortifier. En la petite langue, qui s'advance assez loin, d'ou on passe en peu de tems a Vliaris, il bastit le chasteau Hurst, qui menace la mer de tous costes. Plus vers l'Orient il edifia encor un autre Fort qu'ils appellent Calshot, au lieu de Caldshore pour commander sur le port de Southanton. Car icy les rivages faisants une longue retraicte, le port en devient plus beau, ayant vis a vis de soy l'Isle Vliaras. Ptolemee le nomme l'embouchure du fleuve Trisanton, comme je pense, au lieu de Traith Anton, c'est a dire reflux d'Anton. Ninnius ancien autheur luy donne presque le mesme nomme quand il l'appelle l'embouchure de Trahannon. Le fleuve qui ce descharge dedans, dict aujourd'huy Test, au siecle precedent, comme on lits es vies des saincts, Testan; & jadis, Ant, ou Anton, a este nomme Antport, Andover, & Hanton, ainsi que les bourgs voisins le tesmoignent. Et je suis bien esloigne de croire qu'il ait tire son nom de Hammon Romain, qui fut tue en ce lieu: ce que toutesfois Manumethensis veut faire passer pour verite, & ce qu'un poete qui a adjoute soy a cette fable, declare en ces vers,

... Ruit huc, illucque ruentem

Occupat Arviragus, ejusque in margine ripae

Amputat ense caput, nomen tenet inde perempti

Hammonis Portus, longumque tenebit in aevum.

C'est a dire:

Arvirague sur luy fond comme une tempeste,

l'Arreste, le saisit, & luy tranche la teste

Sur la rive d'Hammon fort celebre aujoud'huy,

Et qui tiendra long temps le nom qu'il tient de luy.

Sur ce port il y a une petite ville dicte South-hanton, non loin de laquelle une autre de mesme nom fleurissoit jadis, vers l'Orient d'este, appellee dans l'Itineraire d'Antonin CLAUSENTUM, ainsi que d'une part la distance de Regne, & de l'autre la distance de Vente le fait conjecturer: & comme Trisanton signifie reflux de Anton, ainsi Clusentum est interprete en Britannien le port d'Enton, car j'ay appris que parmi les Britanniens Claudh avoit le mesme sens que [ ] parmi les Grecs, c'est a dire, port basti de terre remuee, & personne ne doit doubter que ce lieu n'ait este dict Hanton & Henton, veu qu'au livre du revenu d'Angleterre, redige par Guillaume Premier, tout le champ est dict Hantsscyre, & ailleurs Henscyre, & le bourg de sa situation Australe Southanton. Il n'est pas facile de dire de qu'elle facon il estoit, il estoit situe en cette endroit, ou est le champ dict a presnt de saincte Marthe, il semble avoir attouche le port, & occupe l'autre rive du fleuve, car un peu au dessus a l'opposite a Bittern, Francois Mils, homme vertueux qui a la sa maison, m'a monstre les debris, mazures, & fosses d'un ancien Chasteau, qui contient cinquantes pas de circuit, & qui est environne d'eau de trois costes, quand le reflux de la mer retourne. Les pieces de monnoye des Romains qu'on y recontre fouissant la terre, prouvent tellement son anciennete, qui si ce n'estoit point le chasteau de Clausent, du moins c'estoit unedes fortifications que les Romains avoyent posees au rivages de l'Ocean a la partie meridionalle (comme dit Gildas) pour reprimer les brigandages des Saxons. Alors que les Danois ravageoyent & ruinoyent tout, l'ancien Hanton fut aussi abandonne a leurs pilleries l'an du Seigneur DCCCCLXXX, aux temps de ce Guillaume premier, pour parker selon le Style de son livre, le Roy avoit en ce bourg 80 homme en Domaine. Mais il n'y a pas deux cents ans, alors qu'Edouard III Roy d'Angleterre, & Philippe de valois disputoyent par les armes pour la souverainite du Royaume de France, qu'il fut brusle par les Francois, & de ces cendres sortit aussi tost une petite ville qu'on voit maintenant situee entre deux fleuves, celebre pour la multiplicite & structure de ses edifices, les richesses des habitants, & le concours des marchands, entouree d'un double fosse, de fortes murailles, & de bouleverts, peu distants les uns des autres, & ppour la conservation du port, Richard Second fit eslever un chasteau de pierre de taille. La reno~mee ne doit jamais taire l'action memorable que le puissant Canut Roy d'Angleterre & de Danie, fit en ce lieu, par laquelle il ferma la bouche a un flateur qui disoit que toutes choses se conformoient a la volonte des Rois. 'Il fit mettre son siege' (dit Huntingdon) 'sur le rivage de la mer lors qu'elle montoit. Et dir a cet element, tu es sous mon empire, & la terre sur laquelle je suis assis est mienne, & persone n'a impunement resiste a mon vouloir. Je te commande donc de ne point empieter sur ma terre, & de ne point mouillier les habits ny les membres de ton Seigneur. Mais un flot se lanca incontinent sur ses pieds. Luy se retirant, dit que tous les mortels sachent, que la puissance des Rois est vaine & frivole, & que personne n'est digne de porter le titre de Roi, sinon celuy a la volonte duquel, le Ciel, la terre, & la mer obeissent par des loix eternelle: & depuis jamais il ne porta la couronne.' Test un des deux fleuve qui tiennent les costes de ceste ville, est a l'Occident, autresfois comme je conjecture, il s'appelloit Anton. Sortant de la forest Chute il va premierement a Andover, en Saxon Andeafaren, c'est a dire ...

Guil. et Ioannis / Blaeu / Theatrum / Orbis Terrarum, / sive / Atlas Novus / Pars quarta / Amsterdami, / Apud Iohannem Blaeu. / MDCXLV

Blaeu, Jean: 1667: Grand Atlas ou Cosmographie Blaeuiane, Le: (Amsterdam, Netherlands)

CINQUIEME VOLUME / DE LA / GEOGRAPHIE / BLAUIANE, / CONTENANT / L'ANGLETERRE / QUI FAIT / L'ONZIEME LIVRE / DE L'EUROPE. / A AMSTERDAM, / Chez JEAN BLAEU, / MDCLXVII.

INDEFESSUS AGENDO

Amsterdami, / Apud IOHANNEM BLAEU. / [MDC]LXII.

JEAN BLAEU / AU / LECTEUR.

VOus avez icy, Lecteur debonnaire, le Volume de nostre Geographie qui contient L'Angleterre. Pour vous representer ce Royaume en toute perfection, nous avons suivy les cartes les plus correctes, & approvees en ce pays la, lesquelles on este cy-devant mises en lumiere par Jean Spead. Nous les avons accompanees des descriptions naifves de Guillaume Cambden, homme veritablement docte ez antiquitez de la Grande Bretagne: afin que cette oeuvre le manquast de rien, qui peust sembler necessaire pour le rendre accomply: & toutes-fois nous ne vous presentons icy que ce qui concerne l'Angleterre: car pour l'Ecosse, & l'Irelande, nous vous les donnons en un Volume a part. L'ouissez de nos labeurs, acceptez cette oeuvre, & luys faites un favorable accueil. Adieu. De nostre Imprimerie, a Amsterdam ce premier jours de Janvier, l'an M DC LXII

Magnae Britanniae et Hiberniae